Agahiyên Kitêbê


₺ 35,00
Rêzimana Kurdî

Ev berhema Rêzimana Kurdî (Kurmancî-Soranî) ya zimannasê zimanê kurdî Qanatê Kurdo, hem ji hêla dengnasiyê hem ji hêla peyvsaziyê hem jî ji hêla ristesaziyê, muqayeseya herdu zaravayên Kurdî yên Kurmancî û Soranî dike, ku herî pir Kurd bi wan herdu zaravayan diaxivin. Bi arîkariya vê berhemê her kurmancîaxêvek dikare xwe hînî Soranî û her soranîaxêvek jî dikare xwe fêrî Kurmancî bike û hevbeşî û ciyêwaziyên navbera herdu zaravayan têbigihîje. Ev berhem, ji bo kurdînas û edebiyatnasên Kurdî çavkaniyeke sereke ye, lewra çawa ku tê zanîn piraniya berhemên edebî yên zimanê Kurdî bi Kurmancî û Soranî hatine nivîsîn û edebiyata Kurdî bêtir li ser van herdu zaravayan geş bûye. Lewma jî hînbûna Kurmancî û Soranî ji bo her lêkolîner akademîsyen û nivîskarê Kurd re, tiştekî zerûrî ye. Ev berhema han, di sala 1965an de wek tezeke doktorayê ji hêla zimannasê zimanê Kurdî Qanatê Kurdo ve hatiye nivîsîn û cara pêşîn di sala 1978an de bi navê Gramatîka Kurdskogo Yazîka na Matêrîlê Kurmancî î Soranî bi Rûsî hatiye çapkirin. Di sala 1984 de jî ji aliyê nivîskarê wê ve bi Kurmancî hatiye amadekirin û li Ewrûpayê çap bûye. Ev çapa li ber destê we jî, wergera çapa Soranî ya ji Rûsî ye ku Dr. Kurdistan Mukriyanî di sala 1982an de wergerandibû û di sala 1984an de ji aliyê Emîndariyetî Giştî Roşinbîrî û Lawan ve li çapxaneya el-Edîb’ul-Bexdadî hatiye çapkirin. Di navbera çapa Kurmancî ya berê û vê çapê de hin ciyawaziyên berbiçav hene. Ciyawaziya herî berbiçav ew e ku çapa berê, li ber vê çapê gelekî kêm e û wekî kurteyekê ye. lewra di çapa Kurmancî ya Qanatê Kurdo de pirtûk ji 230 bendan pêk tê, lê çapa Soranî ji 453 bendan pêk tê. Ev jî nîşan dide ku çapa Kurmancî ya Qanatê Kurdo nîvê vê xebatê pêk tîne û li gorî çapa resen a Rûsî gelekî kêm e. Lewra di vê wergerê de, Qanatê Kurdo bi pêşgotineke dûvdirêj behsa lêkolîn û xebatên zimannasî yên kurdologan dike. Lê di çapa Kurmancî ya berê de, ev pêşgotin bi du-sê rûpelan hatiye kurtkirin. Herweha di vê çapê de di serê her mijarekê de behsa xebatên lêkolînî yên di wî warî de hatiye kirin, lê ev beş jî di çapa Kurmancî ya berê de nayên dîtin. Ji bilî vê, di çapa Kurmancî ya berê de di dawiya her beşê de beşa spartekan heye û di dawiya pirtûkê de jî hin metnên xwendinê yên Kurmancî û Soranî hene, lê ev beş jî di çapa Soranî de nayê dîtin. Ev jî nîşan dikde ku ev çapa Kurmancî ya ku paşê ji aliyê Qanadê Kurdo ve hatiye nivîsîn, ji dirûveke xebata lêkolînî dûr ketiye û wekî xebateke hîndekariyê hatiye amadekirin.

Navê Kitêbê
Rêzimana Kurdî
Navê Orîjînal
-
Nivîskar
Qanadê Kurdo
Wergêr / Lêkolîner
Qanadê Kurdo
ISBN
978-9944-360-58-6
Cûre
Gramer
Rûpel
304
Ebat
16,50 x 24,00 (cm)
Ziman
Kurdî
Alfabe
Latînî
Sala Waşanê
2013
Çapa Çendan
1
Berg
Karton