Agahiyên Kitêbê


₺ 40,00
Mesnewiya Yûsuf û Zuleyxayê

Yûsuf û Zuleyxa, herçiqas zêdetir wek çîrokeke dînî/edebî bête zanîn jî, ew ji çîrokekê zêdetir e. Lewra di vê serpêhatiyê de kodên muhim ên hafizeya insaniyetê hene. Ji ber wê yekê, xwûnerên vê çîrokê aşinayê wan kod, motîf û epîzodên wê ne. Çunku ev çîroke, çîrokeke hevpar e ku parçeyek çîroka herkesî di vê çîrokê de heye. Loma jî ji edebiyatê heta resm û tiyatroyê, ji huner heta ilahiyatê di gelek qadan de ev çîroke bûye mijara berhemên girîng. Di edebiyata klasîk de jî cihê mesnewiyên Yûsuf û Zuleyxayan gelek girîng e ku şairên edebiyata klasîk wek armanc xwestine wê “çîroka herî xweş” -yanî bi gotina Qur’anê “ehsenu’l-qeses”ê- binivîsîn. Di edebiyata mesnewiyê ya Rojhilatê de metnên li ser vê çîrokê cihek taybet digirin û numûneyên wê yên nivîskî gelek in. Di edebiyata Kurdî de jî numûneya wê ya yekem metnê Selimiyê Hîzanî ye. Di vê xebata Ayhan Tek de, çîroka Yûsuf û Zuleyxayê ji aliyê bingeha xwe ve digel tesîra wê ya edebî hatiye vekolan. Digel transklîterasyona metnê mesnewiya Selîmiyê Hîzanî, di vê xebatê de arkeolojiya çîroka Yûsuf û Zuleyxayê jî hatiye tehlîlkirin. Bi vî şiklî bi giştî di edebiyata Rojhilatê de û bi taybetî jî di edebiyata Kurdî de ev çîroke hatiye vegotin. Di vê xebatê de digel analîzeke berfireh, edîsyon-krîtîka Yûsuf û Zuleyxayê hatiye kirin. Bi vî şiklî dê xwendevan û lêkolîner bikaribin li ser wê çîrokê ferqên nusxeyan û serencama berhemeke klasîk ya di nava destxetan de mabû bibînin.

Navê Kitêbê
Mesnewiya Yûsuf û Zuleyxayê
Navê Orîjînal
Mesnewiya Yûsuf û Zuleyxayê Selîmiyê Hîzanî, Lêkolîn û Edîsyon-Krîtîk: Ayhan Tek
Nivîskar
Ayhan TEK
Wergêr / Lêkolîner
Ayhan Tek
ISBN
9786059413497
Cûre
Lêkolîn
Rûpel
431
Ebat
16,00 x 23,00 (cm)
Ziman
Kurdî
Alfabe
Latînî
Sala Waşanê
2019
Çapa Çendan
2
Berg
ihb