Kenan Subaşı

Kenan Subaşı (Kenanê Nado), di sala 1989an de li Milazgirê hatiye dinê. Perwerdeya xwe ya lîsansê di sala 2011an da li Zanîngeha Stenbolê li fakûlteya perwerdeyê Hasan Âli Yücel di beşa mamos tatiya Tirkî da temam kir. Di 2014an da li Zanîngeha Mardin Artuk luyê di beşa Çand û Zimanê Kurdî da perwerdeya xwe ya lîsansa bilind kir. Di 2019an da jî li Zanîngeha Dicleyê di beşa Çand û Zi manê Kurdî da perwerdeya xwe ya doktorayê temam kir. Di sala 2023an da jî di vî warî da doçentîya xwe wergirt. Ji sala 2013an û pê ve li Zanîngeha Mardin Artukluyê di beşa Çand û Zimanê Kurdî da weku mamosta kar dike. Xebatên wî bêtir di warê Edebîyata Za rokan û Edebîyata Gelêrî ya Kurdî da ne. Heya niha jî di asta lîsans û xwendina bilind da dersên weku Edebîyata Zarok û Nûciwanan, Vegêranên Gelêrî, Vegêrannasî, Folklor û Mîtolojî dide xwendin.
Di sala 2018an da kitêba wî ya bi navê Girr û Gallî Mindallanî Kurd: Dîrokçeya Çapemenî û Medyaya Kurdî ya Zarokan ji Nûbiharê derket. Di sala 2021an da teza wî ya masterê weku kitêb bi navê Mamik bo Zarokan di Fêrkarîya Ziman da ji Peywendê derket. Heya niha du cildên ewil yên berhema Baba Merdûxê Rûhanî ya bi navê Tarîxî Meşahîrî Kurd bi navê Kürt Meşhurları Tarihi ji Farsî wergerande Tirkî û ji weşanên Hivda İletişimê derketin. Di gel vê berhema Hûşengê Moradîyê Kirmanî ya bi navê Beççehayê Qalîbafxane ku ji du çîrokên zarokan pêk tê, ji Farsî wergerande Kurdî û bi navê Zarokên li ber Tevna Mehfûrê di Nûbiharê da weşand û herweha ji heman weşanxaneyê kitêba Mîkaêlê Reşîd ya bi navê Pişîka Min ku ji helbestên zarokan pêk tê ji aliyê wî ve hat amadekirin û weşandin. Du xebatên wî yên edîtoryal jî hene ku yek jê di gel Shahab Vali di sala 2022yan da bi navê Mîtos û Edebîyat Mîtên Kurdo-Îranî di Edebiyata Kurdî de amade kir û ya din jî di gel Resul Geyik di sala 2017an da bi navê Gotarên Zimannasîyê amade kir û her du jî li Nûbiharê hatin weşandin.

e-mail: kenanenado@gmail.com